Komiteti Ekzekutiv i UEFA-s ka miratuar sot sistemin e shpërndarjes së parave për ekipet pjesëmarrëse në kampionatin Europian “Euro 2024”, që do të mbahet në Gjermani verën e ardhshme.

Sipas asaj që është vendosur në qytetin e Hamburgut, shuma, e cila është parashikuar që të shpërndahet për skuadrat pjesëmarrëse është 331 milionë euro, aq sa ishte edhe në Euro 2020.

Sipas njoftimit të bërë, fondi kap shifrën e 331 milionë euro-ve. Secila nga 24 ekipet kombëtare do të marrë 9.25 milionë euro për pjesëmarrjen në turne.

Në rast fitoreje, atëherë kësaj shumë do i shtoheshin edhe 1 milion euro ndërsa për barazim 500 mijë euro.

Skuadrat që sigurojnë kalimin në mesin e 16-të më të mirave do të sigurojnë nga 1.5 milionë euro ndërsa ato që kapin çerekfinalen do të marrin nga 2.5 milionë euro, ndërkohë kualifikimi në gjysmëfinale arrin vlerën 4 milionë euro.

Ekipi që në fund del fitues i EURO-s do të merr 8 milionë euro ndërsa nënkampioni 5 milionë euro.

Në rast se ekipi kampion ka fituar të gjitha ndeshjet e grupit, atëherë do të fitojë maksimumi 28.25 milionë euro.

Kujtojmë se shorti për ndarjen e grupeve do të bëhet sot (e shtunë) me fillim nga ora 18:00 dhe Shqipëria ndodhet në vazon e dytë së bashku me Hungarinë, Turqinë, Rumaninë, Danimarkën dhe Austrinë.

Shqipëria si pjesë e skuadrave që do të marrin pjesë në Kampionatin Europian, është e para në grup me 15 pikë të grumbulluara.

LEXONI GJITHASHTU:

• “Grupi i ferrit”, gazetari zbulon me kë mund të ndeshet Shqipëria në Euro 2024
• U kualifikua në Euro 2024 në grupin e Shqipërisë, trajneri jep dorëheqjen