“Grupi i ferrit”, gazetari zbulon me kë mund të ndeshet Shqipëria në Euro 2024

Gazetari Ledio Halili tha në një intervistë për Euronews Albania se pret të shohë çfarë do të ndodhë në Europian kur Shqipëria të jetë përballë skuadrave të forta dhe do të shohë motivimin e ekipit.

Ai parashikoi një “grup ferri” për Shqipërinë ku përfshiu ekipet kombëtare të Francës, Holandës dhe Italisë.

“Krijohen 8 grupe me nga 4 ekipe, ku Shqipëria mund të ketë fatin të përballet në një grup ferri me Francën, Holandën dhe Italinë, në një grup bashkë me Shqipërinë dhe aty do të shohim pastaj se sa do të motivohen me ekipet e forta. Gjithsesi në vazon e katërt ekziston mundësia të bëhen pjesë dhe Ukraina, Polonia dhe Greqia që janë ekipet më të forta të përballjeve që do të ndodhin gjatë marsit. Nga 12 ekipe që kanë performuar mirë në Ligën e Kombeve e cila përfundoi, 3 nga këto 12 ekipe do të kenë të drejtën për të marrë pjesë në Euro 2024 për të plotësuar grupin,” – u shpreh Halili.

LEXONI GJITHASHTU:

• FOTO| Bie dëbora e parë në Parkun Kombëtar Shebenik-Jabllanicë
• Kombëtarja bën bashkë shqiptarët nga trevat, qindra tifozë nga RMV në Shqipëri