Përfaqësuesit e Partisë së Lirisë janë përplasur mëngjesin e sotëm me punonjësit e Gardës së Republikës, në hyrje të Varrezave të Dëshmorëve, teksa kishin shkuar për të bërë homazhe në 80-vjetorin e Çlirimit të Shqipërisë.
Sipas Sekretarit të Përgjithshëm të Partisë së Lirisë, Tedi Blushi, përfaqësuesit e kësaj partie nuk janë lejuar nga Garda që të futeshin për të bërë homazhe.
Pas incidentit fillestar, mësohet se përfaqësuesit e PL janë lejuar më vonë të kryejnë homazhe për Ditën e Çlirimit.
Më herët Kryeministri Edi Rama kreu homazhe në Varrezat e Dëshmorëve të Kombit me rastin e 80-vjetorit të Çlirimit të Shqipërisë.
Në ceremoninë përkujtimore për 29 Nëntorin morën pjesë edhe presidenti Bajram Begaj, kryetarja e Kuvendit, Elisa Spiropali, kryetari i Bashkisë së Tiranës, Erion Veliaj dhe ministri i Mbrojtjes Pirro Vengu.
Kryeministri, së bashku me drejtuesit e lartë të shtetit shqiptar vendosën buqeta me lule pranë Monumentit “Nënë Shqipëri”.
LEXONI GJITHASHTU:
- Rama, Begaj dhe Spiropali homazhe te Varrezat e Dëshmorëve të Kombit për 29 Nëntorin
- Festimi i veçantë për Ditën e Flamurit, momenti kur veteranët e UÇK kalojnë kufirin
