Plagoset me thikë 40-vjeçari në Tiranë

Një tjetër plagosje me thikë ka ndodhur mbrëmjen e sotme në Tiranë.

Policia bën të ditur se i plagosur ka mbetur një 40-vjeçar, i cili ndodhet në spital jashtë rrezikut për jetën.

Blutë bëjnë me dije se kanë identifikuar autorin dhe po punojnë për kapjen e tij.

Njoftimi i Policisë:

Tiranë/Informacion paraprak

Më datë 24.08.2024, rreth orës 20:00, në rrugën “Besim Alla”, është dëmtuar dyshohet me mjet prerës, shtetasi K. K., 40 vjeç, i cili është dërguar në spital për ndihmë mjekësore dhe ndodhet jashtë rrezikut për jetën.

Nga ana e Policisë është identifikuar autori i dyshuar dhe po punohet për kapjen e tij, ndërsa grupi hetimor ndodhet në vendngjarje dhe po punon për sqarimin e rrethanave të ngjarjes.