Një 39-vjeçar ka mbetur i plagosur pas një sherri me bashkëfshatarin e tij. Ngjarja ndodhi në fshatin Gramëz të Krujës, ku një 46-vjeçar ka goditur me kosore shtetasin me inicialet E. L, 39 vjeç.

“Specialistët për Hetimin e Krimeve të Komisariatit të Policisë Krujë arrestuan në flagrancë shtetasin B. K., 46 vjeç, banues në fshatin Gramëz, Krujë, pasi në këtë fshat, ka goditur me mjet të mprehtë (kosore), për motive të dobëta, shtetasin E. L.(K.), 39 vjeç, banues në Arrameras, i cili po merr mjekim në Spitalin e Traumës, Tiranë”, tha policia.

Policia e ka sekuestruar në cilësinë e provës materiale mjetin e mprehtë me të cilin dyshohet se është goditur 39-vjeçari.

LEXONI GJITHASHTU:

• Tentoi të kalonte naftë kontrabande në vendin tonë, arrestohet 30-vjeçari
• I shpallur në kërkim ndërkombëtar për drogë, arrestohet në Itali 33-vjeçari shqiptar