Një 30-vjeçar është arrestua në Qafë Morinë pasi ka tentuar të kalonte në vendin tonë 400 litra naftë të kontrabanduara.

Policia bën me dije se në pranga ka rënë shtetasi  J.N 30-vjeç banues në fshatin Çorraj,  dhe akuzohet për veprën penale “Kontrabanda me mallra për të cilat paguhet akcizë”.

Shërbimet e Policisë Kufitare kanë kaluar në vijën e dytë, për kontroll të imtësishëm, automjetin që drejtohej nga 30-vjeçari, ku kanë gjetur 400 litra naftë e dyshuar e kontrabanduar që është sekuestruar në cilësinë e provës materiale, së bashku me automjetin me të cilin transportohej.

Materialet procedurale i kaluan Prokurorisë pranë Gjykatës së Rrethit Gjyqësor Tropojë, për veprime të mëtejshme.

LEXONI GJITHASHTU: 

• “Nuk tërhiqem po humba zgjedhjet”, Logu tregon se çfarë po paralajmëron Berisha
• “Drogën e konsumova më përpara”- Flet i riu që aksidentoi për vdekje gruan në Tiranë