Avokati Besart Logu komentoi deklaratën e kreut të PD-së Sali Berisha në emisionin ‘Noë” në Euronews Albania, ku tha se edhe nëse humbet zgjedhjet vendore të 14 majit nuk tërhiqet.

Në një intervistë për Euronews Albania, ai tha se Berisha në asnjë moment nuk ka marrë lëvizje për të shpëtuar PD-në por për interesa të tij.

“Berisha nuk njihet si politikan që merr apo njeh përgjegjësi. Ka 32 vite në politikën aktive. Prodhon lajme. Ka uljet dhe ngritjet e tij. Berisha nuk ka marrë asnjë përgjegjësi për ato që ka bërë që prej kaq vitesh. Nuk besoj se do të marrë përgjegjësi në lidhje me humbjen në zgjedhje. Lëvizja e foltores nuk ishte në shërbim të PD-së, por ishte një lëvizje për arsye personale të Berishës. Misioni i Berishës nuk mbaron me humbjen e një palë zgjedhjeve. Nuk e shoh në asnjë moment që të tërhiqet. Ky është taksirat i demokratëve. Berisha po Lufton për hallet e tij personale”- tha ai.

LEXONI GJITHASHTU: 

• Jo më kanabis në lagjet e kuqe të Amsterdamit, Holanda merr masa drastike
• “Drogën e konsumova më përpara”- Flet i riu që aksidentoi për vdekje gruan në Tiranë