Plagosje me thikë në Vorë, në spital një 45-vjeçar

Një plagosje me thikë ka ndodhur në në fshatin Muçaj të Vorës ditën e diel. Policia njofon këtë të hënë se i plagosur ka mbetur një 45-vjeçar, banues në Gjakovë.

Në pranga ka përfunduar autori i krimit, një 31-vjeçar banues në Prishtinë, ndërkohë që shtë proceduar penalisht në gjendje të lirë dhe shtetasin G. Ç., 56 vjeç.

Të dy këta persona janë konfliktuar me 45-vjeçarin pas një sherri për motive banale.

“Specialistët për Hetimin e Krimeve të Komisariatit të Policisë Vorë arrestuan shtetasin L. K., 31 vjeç, si dhe nisi procedimi në gjendje të lirë për shtetasin G. Ç., 56 vjeç, të dy banues në Prishtinë, pasi ditën e djeshme, në bashkëpunim me njëri-tjetrin, pas një konflikti për motive të dobëta, në fshatin Muçaj, kanë goditur me mjet prerës shtetasin N. R., 45 vjeç, banues në Gjakovë, i cili ndodhet në spital, jashtë rrezikut për jetën”, thuhet në njoftimin e policisë.

LEXONI GJITHASHTU: 

• Masakra në Tiranë, Fatjon Murati nuk ishte shënjestra. Gazetari zbulon detajet
• Vrasja gabimisht e banakieres në Tiranë, shpërthen i biri: Mallkuar qofshin!
• Ekskluzive/ Flet babai i të plagosurit: Djali po pinte kafe në lokal, mori dy plumba