Plan 10-vjeçar për sigurisë ushqimore, FAO vjen në Tiranë

Shqipëria do të rrisë sigurinë ushqimore dhe do të ngrejë sisteme bujqësore që të përballojnë ndryshimin e klimës. Për të rritur prodhimin dhe standardin njëkohësisht, Ministria e Bujqësisë dhe Agjencisë së Kombeve të Bashkuara për Ushqimin, FAO kanë ngritur ura bashkëpunimi.

Drejtori i FAO-s, Qu Dongy tha se klima dhe relievi i Shqipërisë ofrojnë mundësi për zgjerimin e prodhimeve në bujqësi dhe blegtori, dhe mbështetja nuk do të mungojë në këto sektorë.

“Shqipëria është një vend mesdhetar me shumë biodiversitet dhe mundësi prodhimi. FAO është e gatshme të bashkëpunojë me ju, të ofrojë mbështetjen e duhur. Ardhmja ime këtu është një shans për më shumë prezencë të Shqipërisë në vendimmarrjen ndërkombëtare të politikave të ushqimit”, tha Qu Dongyu, drejtor i përgjithshëm i FAO-s.

Plani për sigurinë ushqimore dhe zgjerimin e aksesit të popullatës në ushqim është 10-vjecar, periudhë ku synohet që eksportet bujqësore të arrijnë në 1 mld euro.

LEXONI GJITHASHTU:

• Siguria ushqimore si në BE, rriten kontrollet, transformohet bujqësia
• Siguria ushqimore, Sokolaj: Në disa analiza rezultatet ishin të frikshme