Siguria ushqimore, Sokolaj: Në disa analiza rezultatet ishin të frikshme

Drejtori ekzekutiv i Qendrës Alert, Granit Sokolaj tha se ka analizuar mostra të produkteve ushqimore dhe disa prej rezultateve, sipas tij kanë qenë të frikshme.

Për emisionin “Mirëmëngjes” në “Euronews Albania”, Sokolaj u shpreh se ka kryer analiza për qumështin që shitet në rrugë dhe për djathin që blihet në tregje.

“Qumësht rruge, rezultatet e të cilit janë të frikshme. Djathi që blihet në tregje, djath i hapur që e gjejmë dhe në markete pa etiketë, ka rezultuar me alkool, listeria apo stafilokok. Kemi vërejtur se në djath është përdorur edhe nitrat”, u shpreh ai.

Sokolaj deklaroi se në bazë të disa informacioneve,  në periudhën e parë të daljes së luleshtrydhave të serave në treg, këto produkte numër të lartë pesticidesh.

Madje, Sokolaj thotë se brenda tyre ka pesticide që janë të ndaluara të hyjnë në Shqipëri.

Ai shtoi se besimi i qytetarëve te Autoriteti Kombëtar i Ushqimit (AKU), është në nivele të ulëta.

LEXONI GJITHASHTU

• Putin fajëson Perëndimin për krizën ndërkombëtare të ushqimit dhe energjisë
• 30 mln $ garanci sovrane, kredi e butë për grosistët e produkteve ushqimore