Plan për të protestuar në Surrel? Lela e pranon: Është në planet e Opozitës

Drejtori i komunikimit në Partinë Demokratike, Alfred Lela ishte këtë të martë në “Now me Erla Mëhillin” në Euronews Albania për të folur rreth përshkallëzimit të mosbindjes civile të thirrur nga Partia Demokratike.

Ai tha se në “menynë” e protestës do të jetë edhe vajtja në Surrel ku ndodhet edhe banesa e kryeministrit Edi Rama.

“Është në menynë e opsioneve të Partisë Demokratike dhe opozitës edhe vajtja në Surrel. Ka qenë është dhe do të jetë. Se kur e ka kohën nuk e di.

Është në meny, por se kur i vjen koha asaj gjelle të menysë, atij instrumenti që zoti Berisha ka përmendur si instrumente të mosbindjes civile, ne do e shikojmë në varësi të rrethanave, të situatave dhe në varësi të asaj që ka opozita si kryetemë, një qeveri teknike e cila nuk ia jep pushtetin as Mulit, as Saliut as Arianit dhe as Alfredit, por të thotë që në këtë vend pushtetet mund të merren me garë të hapur e të ndershme”,-tha Lela.

LEXONI GJITHASHTU:

• “Rruga nacionale nuk është vend për tubim”, Karamuço: Ja çfarë ligji u shkel
• “Turpi i atyre që e lejuan”, Dule komenton sulmin ndaj Belerit nga protesta