Plani i Superligës së Evropës, Rumenigge: Synonte të dëmtonte kampionatin anglez

Krijimi i një kompeticioni të ri që do të quhej Superliga e Evropës ishte një ide që solli kontestime të shumta në botë ne futbollit, madje duke u luftuar menjëherë nga Uefa.

Kur kanë kaluar disa muaj nga vendimi përfundimtar që ky kompeticion nuk do të ekzistojë, ka folur dhe ish futbollisti, legjenda e Gjermanisë Rumenigge.

Ky i fundit ka treguar planin e këtij kompeticioni, si dhe arsyen se përse Bayerni e refuzoi kërkesën për tu bërë pjesë.

“Seria A do të bëhej Seria B dhe Bundesliga divizioni i dytë. Turne të dobët. Dhe a e dini pse e gjithë kjo? Për të dëmtuar Premier Ligën, që fiton më shumë thjesht sepse është më mirë. Sidomos skuadrat spanjolle donin ta dëmtonin dhe shpikën këtë turne, i vetmi që do të vlente. UEFA ofron turneun më të mirë të mundshëm, Liga e re e Kampioneve me 36 skuadra do të jetë edhe më spektakolare dhe e hapur”, tha Karl-Heinz Rummenigge, ish-futbollist.

Ekipet e para të cilat shprehën dëshirën për këtë kompeticion të ri ishin Real ii Madridit, Barcelona dhe më pas Juventus.

LEXONI GJITHASHTU:

• Biletat në kampionatin evropian, sa do të jenë në dispozicion për Shqipërinë?
• Kosova fiton medalje të artë në Kampionatin e Hapur Evropian