Plas grushti në futbollin shqiptar, ndërpritet përballja Tërbuni-Turbina

Një tjetër rast dhune është regjistruar në futbollin shqiptar, konkretisht në Kategorinë e Parë.

Arbitri Xhuljo Mani është dhunuar në përballjen Tërbuni-Turbina, e cila është ndërprerë 5 minuta para fundit për të mos vijuar më.

Sipas informacioneve të siguruara nga Euronews Albania, ka qenë një prej futbollistëve të Tërbunit i cili ka goditur gjyqtarin anësor Mani.

Gjyqtari në fjalë është goditur me grusht, ndërsa më pas është marrë vendimi për të mos vijuar më tej sfidën. Dy skuadrat në fjalë luftojnë për mbijetesën në Kategorinë e Parë, ndërsa përballja u ndërpre në shifrat 1-1.

Më tej do të jetë komisioni i disiplinës i cili do të qartësojë gjithçka.