Plenkoviç kundër presidentit kroat: Kosova nuk u aneksua nga ndërkombëtarët

Kryeministri i Kroacisë, Andrej Plenkoviç ka kundërshtuar deklaratën e presidentit kroat, Zoran Milanoviç, duke deklaruar se Kosova nuk është aneksuar nga bashkësia ndërkombëtare.

Sa i përket deklaratave të presidentit për çështjen e Kosovës, Kroacia e ka përcaktuar qartë veten dhe ajo që tha ai nuk është qëndrim politik i vendit. Kosova është shtet i pavarur, shtet i njohur nga Kroacia dhe shtet me të cilin kemi marrëdhënie diplomatike” ka thënë Plenkoviç përmes një reagimi në Twitter.

Pas seancës së Kryesisë të Bashkimit Demokratik Kroat (HDZ), Plenkoviç nënvizoi se se është e rëndësishme që Kosova të jetë shtet i pavarur.

“Ajo që është e rëndësishme është që Kosova është shtet i pavarur me të cilin kemi marrëdhënie diplomatike, se ministri ynë Davor Filipoviç ka qenë në Kosovë, se me të kanë shkuar rreth 50 biznesmenë tanë”, theksoi ai.

PVRH @AndrejPlenkovic: Što se tiče izjava predsjednika države na temu Kosova, Hrvatska se tu jasno odredila i ono što je rekao nije politički stav zemlje. Kosovo je neovisna država, država koju je Hrvatska priznala i država s kojom imamo diplomatske odnose. pic.twitter.com/Pxl9ubT5MJ

— Vlada Republike Hrvatske (@VladaRH) January 30, 2023

Gjatë  një konference për shtyp ditën e djeshme, Presidenti i Kroacisë, Zoran Mlilanoviç deklaroi se bashkësia ndërkombëtare aneksoi Kosovën nga Serbia.

“Rusët, për shkak se janë cinikë, do të bëjnë thirrje për aneksimin e Kosovës, të cilën unë e mbështes”, tha ai, ndërsa kur u pyet se kush e anketoi Kosovën, ai u përgjigj: “Bashkësia ndërkombëtare dhe ne. “Është marrë nga Serbia. Kosova përjashtohet nga Serbia. A e njohëm Kosovën. Unë qëndroj prapa Kosovës. Unë qëndroj, por kur u bë pa vullnetin e shtetit të cilit i përket Kosova, ishte Serbia, apo Jugosllavia, e cila nuk ishte miqësore me ne, vërtet nuk na interesonte”, është shprehur Milanoviç.

LEXONI GJITHASHTU

• ‘Ndërkombëtarët aneksuan Kosovën’, deputetja shqiptare kundër presidentit kroat
• Kërcënon SHBA e BE: Çfarë pritet të ndodh nëse Kurti dhe Vuçiç refuzojnë propozimin
• SHBA-BE kërcënojnë Kurtin: O paqe e përhershme, o kthim pas për Kosovën