Pluhuri i Saharasë që ngjyrosi portokalli Athinën, çfarë duhet të dini

Një mjegull portokalli ka mbuluar Athinën, me retë e pluhurit që kanë mbërritur nga shkretëtira e Saharasë.

Greqia është prekur nga fenomene të tilla edhe në mars dhe në fillim të prillit, me retë që u shtrinë deri në Zvicër dhe në jug të Francës.

Sidoqoftë, autoritetet meteorologjike kanë paralajmëruar se qiejt do të pastrohen së shpejti.

Cilësia e ajrit ndërkohë është përkeqësuar në shumë zona të vendit dhe mëngjesin e së mërkurës, monumenti i Akropolit në Athinë nuk ishte i dukshëm për shkak të pluhurit.

Shtresa e tij ka arritur deri në veri të qytetit të Selanikut.

Qytetarëve grekë me probleme frymëmarrjeje u është bërë thirrje të shmangin lëvizjet në ambient të hapur dhe të përdorin maska mbrojtëse.

Shkretëtira e Saharasë çliron 60 deri në 200 milionë tonelata pluhuri mineral në vit. Shumica e tij përhapet në tokë dhe disa herë shtrihet thellë në Evropë.

LEXONI GJITHASHTU:

• Si në Mars, Athina mbulohet nga pluhuri saharian
• Një re pluhuri nga Saharaja kërcënon Francën, Gjermaninë dhe Zvicrën