“Po fshehin vrasësin e Ivanoviç”- Vuçiç i kërkon falje Gjermanisë

Vrasja e politikanit serb nga Kosova, Oliver Ivanoviç në 2018-tën është rikthyer sërish në vëmendje duke bërë që Presidenti i Serbisë Aleksandër Vucic ti kërkojë falje Gjermanisë.

Kjo pas një deklarate të bërë nga ministri i brendshëm serb Bratisllav Gashiç në parlament, se Gjermania po fsheh vrasësist e Ivanoviç duke ngjallur reagime të forta në Berlin.

“Ne e verifikuam me pjesëtarët e shërbimit gjerman në 20 ditët e mëparshme, nga pretendimet e Bratisllav Gashiqit se ata po fshehin vrasësit në rastin e Oliver Ivanoviqit, dhe morëm garanci dhe prova se ata nuk po e fshehin këtë informacion”, tha Vuçiç, dhe se në emër të Gashiç, kërkon falje për deklaratën.

Për shkak të reagimeve të forta, një ditë pas deklaratës ministri i Brendshëm Gashiç shpjegoi se deklarata e tij ishte keqkuptuar, pasi nuk kishte qënë pohim, por ai vetë kishte ngritur një pyetje se nën mbrojtjen e kujt janë vrasësist e Ivanoviç.

Ivanoviç u vra më 6 janar të 2018-tës, me gjashtë të shtëna në shpinë, para ndërtesës së partisë së tij në Mitrovicën e Veriut. Më shumë se pesë vjet pas vrasjes, çështja ende nuk është zbardhur.

Hetimet për vrasjen e Ivanoviçit janë duke u zhvilluar edhe nga Prokuroria Speciale e Serbisë, por ky proces është ende në hetimet paraprake.

LEXONI GJITHASHTU:

• Vuçiç zbulon detaje nga biseda me Mitsotakis: Greqia nuk do e njohë Kosovën
• Kurti dhe Vuçiç në Athinë, mediat greke: Mesazhi i qartë që Mitsotakis i dha Ramës