Po hynte në Shqipëri me sende me vlerë 50 mijë euro, arrestohet 33-vjeçari në Morinë

Këtë të martë ka rënë në pranga një 33-vjeçar, pasi në pikën kufitare Morinë tentoi të kalonte bizhuteri floriri dhe ora dore, me vlerë rreth 50 000 euro, dhe një automjet, të cilat nuk i kishte deklaruar sipas ligjit.

Sipas raportimeve, është arrestuar shtetasin Q. S., 33 vjeç, banues në Gjermani, për veprat penale “Kontrabanda më mallra të tjera” dhe “Mosdeklarimi në kufi, i të hollave dhe i sendeve me vlerë”.

Bizhuteritë u sekuestruan në cilësinë e provës materiale, së bashku me automjetin.

“Shërbimet e Policisë Kufitare Morinë, në vijim të kontrolleve për goditjen e krimeve ndërkufitare, bazuar në analizën e riskut dhe në kontrollet me përzgjedhje, në hyrje të RSh-së, kanë kaluar në vijën e dytë, për kontroll më të detajuar, automjetin tip “Audi”, me drejtues shtetasin Q. S”, thueht në njoftimin e policisë.

Materialet procedurale iu referuan Prokurorisë pranë Gjykatës së Shkallës së Parë të Jurdiksionit të Përgjithshëm Kukës, për veprime të mëtejshme.

LEXONI GJITHASHTU:

• Hetim për mashtrim në prokurime publike, ndalohet në Bruksel Federica Mogherini
• Ishte në arrest shtëpie, kapet duke lëvizur i armatosur 22-vjeçari në Vlorë