“Po i jep kohë SHBA-ve”- Eksperti zbulon pse Izraeli po vonon futjen në Gaza

Ofensiva tokësore izraelite në Gaza është “relativisht e afërt”, kështu ka deklaruar Robert Clark, drejtori i mbrojtjes në qendrën e mendimit Civitas, njëherazi dhe analist ushtarak.

Në një intervistë për Skyneës ai ka zbuluar dhe tre arsyet pse izraelitët po e vonojnë qëllimisht ofensivën tokësore në Rripin e Gazës.

Sipas burimeve nga Forcat e Mbrojtjes së Izraelit, Clark liston tre arsyet kyçe pse po vonon hyrja në Gaza.

Sipas tij qëllimi i Izraelit është që të lejojë trajnimin e vazhdueshëm të trupave dhe rezervistëve të Forcave të Mbrojtjes izraelite; t’i lejojë palestinezëve kohë të largohen nga qyteti i Gazës dhe të ikin më në jug për një siguri relative; si dhe të lejojë SHBA-në të përfundojë instalimin e mbrojtjes ajrore në rajon.

“Pra, kur këto tre objektiva të jenë arritur, ne do të shohim një inkursion të kufizuar, por gjithsesi një inkursion tokësor në Gaza,” tha ai.

Ne kemi dëgjuar gjithashtu nga Ammar Ëaqqaf, drejtor menaxhues në Gnosos, i cili thotë se përshkallëzimi ndihet disi i pashmangshëm.

“Ekziston kërcënimi që sapo Izraeli të hyjë në Gaza dhe numri i të vdekurve të arrijë shifra më të larta, atëherë mund të hapen fronte të tjera në Izrael,” tha ai.

Gjithashtu ai tha se Hamasi kishte “pritur këtë mundësi” për disa kohë, dhe ata mund të kenë një planifikim të mirë për shkaktuar sa më shumë dëme ushtrinë izraelite.

LEXONI GJITHASHTU:

• Irani paralajmëron SHBA-në: Nuk do të kursehemi nëse vazhdon lufta në Gazë
• SHBA parlajmëron Iranin në OKB: S’duam konflikt, por do veprojmë të vendosur nëse…