Po kalonte jashtë Shqipërisë 45 mijë euro të padeklaruara nga porti i Sarandës, procedohet greku

Një shtetas grek është proceduar penalisht pasi është konstatuar në portin e Sarandës me 45 000 euro me vete, të cilat do t’i kalonte ilegalisht jashtë Shqipërisë.

Drejtoria Vendore për Kufirin dhe Migracionin Vlorë njofton se Shërbimet e Policisë Kufitare në PKK Port Sarandë, gjatë kontrolleve të vazhdueshme, evidentuan një rast të mosdeklarimit të parave në kufi. Gjatë kontrollit, shtetasi grek G. V., banues në Greqi, u kap duke tentuar të dilte nga Shqipëria me 45 000 euro, pa i deklaruar.

Shuma e parave u sekuestrua, ndërsa materialet procedurale u referuan në Prokurori. Për shtetasin grek është nisur procedimi penal për veprën penale “Mosdeklarimi në kufi i të hollave dhe i sendeve me vlerë”.