“Po luani rolin e magnetit, jeni në aleancë me Ramën”, Teliti debat me Markën

Jani Marka, anëtar i Këshillit Bashkiak të Tiranës për lëvizjen “Bashkë” dhe Dorjan Teliti përfaqësues i Partisë Demokratike, debatuan në emisionin Now në Euronews Albania lidhur me kandidatët që do të garojnë në zgjedhjet e pjesshme në bashkinë e Tiranës.

Sipas Teliti, Arlind Qori nuk është kandidat real në këtë garë, por një magnet për të thithur votat e pakënaqurve nga mazhoranca, vota mund të shkonin për kandidatin e pavarur Flori Binaj por që do t’i shërbejnë Edi Ramës.

“Gara reale është mes dy individëve, nuk e konsideroj Qorin. Këta kanë dalë se janë ekstrem i majtë, janë disa vota të pakënaqurish të mazhorancën socialiste të cilët lehtësisht kësaj radhe mund të ishin të alokueshme drejt një figure neutrale, futet një barrierë në mes që do funksinojë si një magnet që është shërbim për Edi Ramën. Nëse kishin dalë me kandidaturë tjetër do thosha gara ka 3 kandidatë. Qori ka qenë edhe në 2023 në garë, i mati forcat e veta, tani thotë do bëjmë namin. Në këtë situatë unë e vlerësoj që do funksionojë si magnet për disa vota që do ikin nga mazhoranca. Ne dolën mbi veten tonë duke mos nxjerrë një kandidat politik për interesin e përbashkët, ne besojmë se do ketë një tufë votash që janë lehtësisht të thithshme nga Binaj, por del ky magneti. Për mua kandidati i Qorit është vetëm magnet”, tha Teliti.

LEXONI GJITHASHTU:

• Qori bën parashikimin nëse fiton bashkinë e Tiranës: Do derdheshin njerëzit në rrugë
• Qori sfidon partitë e mëdha: Garoj për Tiranën si alternativë anti-sistem