Po ndërtonin impiant gazi pa leje në tokë shtetërore: Arrestohen inxhinierët

Policia e Vlorës, në bashkëpunim me IKMT-në dhe Inspektoratin e Mjedisit, ka zbuluar një impiant gazi që po ndërtohej në mënyrë të paligjshme, pa lejet përkatëse dhe mbi tokë shtetërore, në territorin e Delvinës. Si rezultat i ndërhyrjes janë arrestuar në flagrancë dy inxhinierë, ndërsa pronari dhe administratori i kompanisë janë shpallur në kërkim.

Gjatë kontrollit të ushtruar në ambientet e subjektit privat, u konstatua se kompania kishte nisur ndërtimin e një impianti energjetik (TEC), pa asnjë miratim apo dokumentacion ligjor të nevojshëm nga autoritetet kompetente.

Të arrestuarit janë:

• E. M., 31 vjeç, përgjegjës i impiantit të gazit
• L. M., 53 vjeç, përgjegjës i kantierit të ndërtimit

Ata akuzohen për veprat penale “Ndërtimi i paligjshëm” dhe ‘Zaptim i tokës”, të kryera me qëllim përfitimi.

Ndërsa në kërkim janë shpallur:

• S. M., 56 vjeç, pronari i kompanisë
• J. I., 36 vjeç, administratori

Nga ana e IKMT-së është përpiluar procesverbali i kundërvajtjes dhe është bërë bllokimi i menjëhershëm i punimeve.

Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme ligjore.

Po ndërtonin impiant gazi pa leje në tokë shtetërore: Arrestohen inxhinierët pic.twitter.com/wBAZQv8ZUD

— Euronews Albania (@EuronewsAlbania) July 29, 2025

LEXONI GJITHASHTU:

• Rama njofton konfiskimin e një pallati në Vlorë: S’do ketë legalizime në shkelje
• Porositë e Ramës jashtë kamerave: Hiqni licencat e çdo zyre avokatie nëse…