Po planifikonin një sulm terrorist kundër hebrenjve, në pranga 2 të rinj në Paris

Dy 16-vjeçarë janë vënë në pranga nga policia franceze në Paris. Arrestimi i tyre ka ardhur pasi ata dyshohet se po planifikonin një sulm terrorist kundër hebrenjve.

Mësohet se njëri prej të arrestuarve është shtetas rus. Ai kishte 4 vite që kishte mbërritur në Francë së bashku më nënën e tij. I riu kishte dërguar një foto në WhatsApp duke mbajtur një thikë dhe kishte njoftuar se do të vriste hebrenjtë brenda pesë ditësh.

Ai ishte në kontakt me 16-vjeçarin tjetër, i cili jetonte në rajonin e Parisit, dhe kërcënoi se do të shënjestronte një vend adhurimi fetar. Ata janë në paraburgim në Paris

Franca ka akuzuar 20 të mitur për vepra penale të lidhura me terrorizmin në vitin 2025 deri më tani, me prokurorët që tregojnë një rritje të të rinjve që akuzohen për komplote të tilla gjatë pesë viteve të fundit.

LEXONI GJITHASHTU:

• Putin: Rusia nuk kërkon luftë! Nëse Evropa do të luftojë, ne jemi gati
• Skandali në BE, kush është zyrtari i lartë që u arrestua së bashku me Mogherinin