Pogba rikthehet mes lotësh, firmos me Monaco për 2 sezone

Një rikthim mes emocionesh ka qenë ai i Paul Pogba i cili ka lënë pas pezullimin për shkak të doping, e duke nisur nga tani është lojtari më i ri i Monaco.

Francezi ka firmosur një kontratë dy vjecarë në elitën e futbollit francez, ndërsa prezantimi i tij u bë të shtunën, teksa pamjet u publikuan në rrjetet sociale. Gjatë hedhjes së firmës, Pogba ka shpërthyer në lot, i emocionuar pasi kthehet në fushë pas një mungese që prej vitit 2023, ndërsa pamjet janë përhapur me shpejtësi në rrjetet sociale.

Paul Pogba prej javësh ishte në bisedime me drejtuesit e klubit francez dhe më në fund ka arritur dakordësinë, teksa interes për të kishte dhe nga ekipe të tjera në Evropë. 32-vjecar tanimë, por mesfushori shihet si një lojtar që mund ti japë shumë skuadrës së tij, por dhe futbollit francez, pasi klasi asnjëherë nuk i ka munguar.

Gjatë karrierës si profesionist ka luajtur vetëm për 2 ekipe, Juventus dhe Manchester United, madje në momentin që kontrata e tij u ndërpre gjendej në Torino. Pogba u pezulluar pasi rezultoi pozitiv në testin e doping, megjithëse deklaroi që nuk kishte konsumuar asnjë substancë të ndalur përgjatë periudhës që aktivizohej tek bardhezinjtë.