Lëvizte me armë me vete, policia arreston të dyshuarin si vrasës me pagesë

Policia raportoi të premten arrestimin e një 48-vjeçari nga Tirana, i dyshuar si vrasës me pagesë.

Ai u kap në fshatin Gur i Zi, teksa po udhëtonte drejt Shkodrës me një motor pa targa. Në një çantë krahu që mbante me vete iu gjet një armë automatike tip “Scorpion” me silenciator (bllokues zhurme) si dhe 20 fishekë.

Dyzetë e tetë vjeçari me inicialet G.B dyshohet se ka kryer vrasje të tjera me pagesë nga grupe kriminale.

I arrestuari thuhet se ka pasur precedencë penale për mashtrim dhe dhunë në familje. Autoritetet po vazhdojnë hetimet ndërsa aktualisht ndaj tij është ngritur vetëm akuza për armëmbajtje pa leje.