Policia britanike kërkon ndihmë për të arrestuar shqiptarin

Policia britanike ka kërkuar ndihmë për gjetjen e vendndodhjes së 31-vjeçarit Terenc Malja. Shqiptari kërkohet sepse mbi të rëndon akuza e trafikimit të emigrantëve.

“Malja është i bardhë, 1.47 cm i gjatë, ka flokë të zinj të shkurtër dhe sytë blu. Ai flet anglisht me theks shqiptar dhe ndonjëherë përdor emra të tjerë. Ai u pa për herë të fundit në Portsmouth në janar 2021 dhe oficerët kanë punuar prej asaj kohe për ta gjetur atë”, thuhet në njoftimin e Njësisë Rajonale të Krimit të Organizuar Juglindor.

Oficeri i hetimit u ka bërë thirrje qytetarëve se nëse kanë ndonjë detaj në lidhje me vendndodhjen e mundshme të Terenc Maljës, të raportojnë menjëherë.

“Nëse besoni se e keni parë ose keni ndonjë informacion se ku mund të jetë, ju lutemi mos t’i afroheni atij dhe në vend të kësaj kontaktoni policinë,” – u shpreh ai.

LEXONI GJITHASHTU:

• ‘Politikani rus e akuzoi’, shoku i ‘spiunes’ së arrestuar tregon rastin në Moskë