Policia e Durrësit aksion në Shkozet, shoqërohen 4 persona me rrezikshmëri shoqërore

Policia e Durrësit ka zhvilluar një operacion të gjerë në zonën e Shkozetit, ku janë angazhuar forca të shumta të rendit nga sektorë të ndryshëm të Drejtorisë Vendore të Policisë.

Sipas burimeve për Euronews Albania, gjatë aksionit janë shoqëruar katër persona, dy prej të cilëve janë kapur me armë gati për qitje. Të njëjtat burime bëjnë me dije se të shoqëruarit konsiderohen me rrezikshmëri të lartë shoqërore.

Policia është treguar e rezervuar për detaje të tjera, ndërsa paraditen e nesërme në ambientet e Drejtorisë Vendore të Policisë së Durrësit pritet një konferencë për shtyp, ku drejtuesit më të lartë të policisë do të bëjnë publik gjithë dinamikën e operacionit.

LEXONI GJITHASHTU:

• Organizata e Xhorxh Soros reagon për akuzat e Trump: E papranueshme…
• Qeveria gjermane miraton projektligjin për modelin e ri të shërbimit ushtarak