“Policia e pranishme në të gjithë vijën bregdetare”, Rama thirrje subjekteve: Kush nuk ka dokumentacion të lirojë hapësirat

Kryeministri Edi Rama u ka bërë thirrje të gjithë subjekteve private që nuk kanë në rregull dokumentacion për shfrytëzimin e hapësirave të vijës bregdetare, të lirojnë këto sipërfaqe.

“Ajo çka është përcaktuar kornizë e këtij procesi do të zbatohet me hir ose pahir. Dua t’i bëj thirrje të gjithë subjekteve që nuk janë në rregull me dokumentacion, që kanë operuar me teorinë e faktit të kryer, që të largohen nga sipërfaqet që nuk u takon me ligj dhe rregull”, u shpreh kreu i qeverisë.

“Policia e Shtetit do të jetë e pranishme në të gjithë vijën bregdetare dhe do të konfiskojë në vend çdo lloj çadre, shezlongu apo strukture tjetër ndihmëse që nuk është e përputhur me bazën dokumentare të subjektit”, shtoi kreu i qeverisë.

Ai theksoi se kjo skemë e re e administrimit të plazheve ka krijuar më shumë të ardhura për bashkitë dhe më shumë hapësira publike për qytetarët.

LEXONI GJITHASHTU:

• Eksperti i sigurisë, Softa: Menaxhimi i hapësirës së vijës bregdetare duhet të bëhej që në dimër
• Konfliktet e vjetra po shkaktojnë vrasjet për menaxhimin e vijës bregdetare, thotë eksperti i turizmit, Besnik Vathi
• Shemsi Prençi: Policia ka qenë në dijeni për konfliktin mes dy familjeve në Velipojë