Policia ka identifikuar autorët e 9 zjarrvënieve ditën e djeshme në qarkun Fier, ndërkohë që 5 prej tyre kanë rënë në pranga.
Si rezultat i ndërhyrjes së menjëhershme të shërbimeve të Komisariatit të Policisë Fier, Lushnjë dhe Divjakë, në bashkëpunim me shërbimet mbështetëse, pas njoftimeve për 9 vatra zjarri në fshatrat Pishë Poro, Frashër, Ofiçinë, Marinëz, Jagodinë, Lumth, Goriçaj dhe Remas, u identifikuan dhe u proceduan penalisht autorët e të 9-ta rasteve.
Në pranga u vunë shtetasit shtetasi A. D., 62 vjeç, banues në Pishë Poro; shtetasi H. L., 72 vjeç, banues në Ofiçinë, Patos; shtetasi G. R., 48 vjeç, banues në Frashër; shtetasi O. C., 70 vjeç, banues në Marinëz; shtetasi N. Ç., 49 vjeç, banues në Jagodinë.
Specialistët për Hetimin e Krimeve të Komisariatit të Policisë Lushnjë dhe Divjakë referuan materialet në Prokurori ku nisi procedimi në gjendje të lirë për shtetasit Ll. J., 79 vjeç, banues në Lumth, F. K., 53 vjeçe, banuese në Lumth dhe N. Z., 62 vjeç, banues në Goriçaj, si edhe u shpall në kërkim shtetasi B. K., 61 vjeç, banues në Remas, pasi për shkak se kanë ndezur zjarr në tokat në pronësi të tyre, janë djegur një sipërfaqe toke me të mbjella, ullinj dhe pemë frutorë, në pronësi të shtetasve të tjerë.
LEXONI GJITHASHTU:
- Zjarr masiv në fabrikën e bojrave në Maminas, MB: Shmangni autostradën Tiranë-Durrës
- Dyshimet mbi shkakun e zjarrit në fabrikën e bojrave, flakët rrezikojnë dy banesa
