Dyshimet mbi shkakun e zjarrit në fabrikën e bojrave, flakët rrezikojnë dy banesa

Një zjarr masiv ka përfshirë një fabrikë bojrash në Maminas, në autostradën Tiranë-Durrës. Burime për Euronews Albania bëjnë me dije se zjarri, ka nisur tek sektori i prodhimit të bojës.

Dyshohet se shkak për rëmien e zjarrit ka qenë një shkëndije elektrike, afër acetonëve.

Në turn mësohet se kanë qenë vetëm 3 punëtore, të cilat kanë arritur të largohen në kohë.

Policia dhe zjarrfikëset ndodhen në vendngjarje. Për neutralizimin e flakëve janë angazhuar 15 mjete zjarrëfikëse, 65 forca zjarrëfikëse, 200 forca policie dhe vullnetarë

Nga përhapja massive e flakëve rrezikohen 2 banesa të cilat ndodhen afër fabrikës së bojës.

Edhe vetë Ministri i Brendshëm Taulant Balla ka mbërritur në vendngjarjes për të parë nga afër situatën.

Kujtojmë se përmes një postimi në facebook pak më herët, Ministri i Mbrojtjes Niko Peleshi njoftoi se mjete zjarrfikëse dhe forca nga Tirana e Durrësi, me ndihmë edhe nga Baza për Mbështetjen e Emergjencave Civile janë angazhuar për shuarjen e zjarrit.

Një grup specialistësh nga Kapaciteti Kombëtar i Kimisë është gjithashtu në terren për të bërë matjet dhe për të qenë në gatishmëri.

Autoritetet u bëjnë thirrje qytetarëve të shmangin lëvizjet drejt autostradës deri në qetësimin e situatës.

LEXONI GJITHASHTU:

• Zbulohet shkaku i zjarrit në fabrikën e bojrave, flakët rrezikojnë dy banesa
• Zjarre në Patos e Durrës, përfshihet nënstacioni elektrik te “Ofiçina”. Reagon Balla
• Ndezën zjarre të qëllimshme në Durrës dhe Kavajë, vihen në pranga autorët