Policia irlandeze arreston 23 persona në Dublin gjatë natës së dytë të trazirave

Njëzet e tre persona janë arrestuar dhe dy oficerë policie janë plagosur gjatë natës së dytë të trazirave jashtë një hoteli në Dublin ku strehohen azilkërkues.

Protestat paqësore filluan pranë Hotel CityWest në Saggart, në perëndim të Dublinit, të hënën për shkak të një sulmi të dyshuar seksual ndaj një vajze të re në zonë jashtë hotelit.

Të martën dhe të merkurën, protestat u raportuan të dhunshme, ku disa protestues hodhën shishe dhe tulla, si dhe fishekzjarre ndaj oficerëve të policisë.

Në vijim të kësaj, dy oficerë u dërguan në spital për trajtim, ku njëri u godit në kokë dhe tjetri pësoi lëndime në krah dhe shpatull.

“Çrregullimi i rendit publik u krye kryesisht nga meshkuj të rinj dhe adoleshentë”, tha policia në një deklaratë.

Më shumë se 300 anëtarë të policisë u përfshinë në operacionet policore gjatë mbrëmjes, përfshirë 120 oficerë të rendit publik.

Duke folur për ngjarjet e mbrëmjes së kaluar, Komisioneri i Policisë Justin Kelly e dënoi çrregullimin si “krejtësisht të papranueshëm”.

LEXONI GJITHASHTU:

• SHBA planifikon të blejë një milion fuçi naftë për rezerva strategjike
• Brukseli mund të shfrytëzojë 176 miliardë euro asete ruse si hua për Ukrainën