Policia njoftim zyrtar për të dyshuarit e masakrës së Dobraçit që u vetëdorëzuan

Policia e Shkodrës ka nxjerrë njoftim zyrtar për dy të rinjtë e vetëdorëzuar sot në Drejtorinë e Policisë nën shoqërimin e avokatit Sokol Tahiraj.

Bëhet fjale për Izmir Sakicën dhe Samuel Troshanin, emrat e të cilëve u përfolën si të përfshirë në masakrën e Dobraçit, por edhe ngjarje të tjera në qytetin e Shkodrës.

Në muajin qershor të vitit të kaluar, dy të rinjtë repektivisht 23 dhe 24 vjeç janë shpallur në kërkim për dhunimin për motive të dobëta të 62-vjeçarit Vladimir Bruçi në lagjen “Partizani”, së bashku me 3 persona të tjerë.

Policia tha se nga veprimet hetimore dyshohet se këta shtetas janë përfshirë në konfliktin e ndodhur për vendparkimin e automjeteve, më datë 03.06.2024, në rrugën “Pogej”, gjatë të cilit u godit fizikisht dhe me sende të forta shtetasi Vladimir Bruçi.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

LEXONI GJITHASHTU:

• Vetëdorëzohen në Policinë e Shkodrës dy të akuzuarit për masakrën e Dobraçit
• Ministri i Brendshëm: Kemi zbardhur atentatin në Dobraç