Policia procedon 24 persona pas tubimit të PD në Kavajë, 50 mln lekë gjobë organizatorit

Policia ka proceduar 24 persona për mitingun e organizuar nga Partia Demokratikë në Kavajë një ditë më parë, ndërsa është vendosur 5 milionë lekë të reja gjobë për organizatorin e tubimit.

Një ditë më parë kreu i PD, Lulzim Basha ishte në Kavajë ku u prit me entuziazëm nga dhjetëra mbështetës, por grumbullimi masiv i publikuar edhe nga vetë kryedemokrati në rrjetet sociale nuk i ka shpëtuar syrit të Policisë së Shtetit.

Përmes një njoftimi menjëherë pas publikimit të pamjeve policia shprehu shqetësimin për thyerjen e rregullave anti-COVID, që ndalojnë grumbullimin e më shumë se 10 personave.

Policia e konsideroi si flagrante shkeljen e këtyre rregullave dhe solli në vëmendje se deri kur këto rregulla të jenë në fuqi, policia është e detyruar të penalizojë shkelësit.