Policia rrethon stacionin e trenit në Paris, neutralizohet një burrë (VIDEO)

Një operacion emergjent policor është zhvilluar pasditen e kësaj të premte në stacionin hekurudhor Montparnasse të Parisit. Policia urdhëroi evakuimin e stacionit dhe  imazhet fillestare treguan një burrë që u ndalua nga oficerët.

“Nga informacionet fillestare që kemi mbledhur, duket se një burrë 44-vjeçar i njohur për dhunë në familje kërcënoi njerëzit me thikë dhe një oficer policie përdori armën e tij për ta ndaluar atë “, tha zyra e prokurorit të Parisit, duke shtuar burri dyshohet se është vetëtherur.

Burimet raportojnë se pas vetëlëndimit të tij, një oficer policie qëlloi dhe plagosi rëndë 44-vjeçarin në këmbë. Gjatë incidentit, një pasagjer u plagos lehtë në këmbë.

Dyshohet se 44-vjeçari kërkohej me kërkesë të prokurorisë së Creteil për kërcënime ndaj gruas dhe fëmijëve të tij. Pasi u imobilizua në stacion, burri mori ndihmën e parë nga shërbimet e urgjencës dhe u dërgua në spital.

Lëndimet e tij nuk janë kërcënuese për jetën. Sipas gjetjeve fillestare të hetimit, mundësia e një motivi terrorist nuk po merret në konsideratë.

🚨🇫🇷A l’instant : Situation confuse à la gare Montparnasse, à Paris, un homme a été abattu par la police. Deux détonations ont retenti, provoquant un mouvement de panique dans la gare. La gare est en cours d’évacuation. pic.twitter.com/bZD70YpLv9

— LSI AFRICA (@lsiafrica) November 14, 2025

LEXONI GJITHASHTU:

• Katër persona dhunojnë me shkopa bejsbolli dy të mitur në Konispol
• GJKKO urdhëron SPAK të hetojë deputetin e Partisë Demokratike, Arjan Ndoja