Politikani i lartë serb: Plani franko-gjerman njeh Kosovën

Plani franko-gjerman do të thotë njohje e pavrarësisë së Kosovës. Kështu ka deklaruar Kryetari i Partisë Popullore serbe, Vuk Jeremiç, pas vizitës së presidentes së Komisionit Europian Ursula Von Der Leyen në Beograd.

Gjatë një interviste për televizionin Insajder, Jeremiç tha se tashmë nuk ka vend për dyshime se ky është një plan për të njohur Kosovën.

Sipas tij, zgjedhjet do të jenë shanci i fundit që Serbia të ndryshojë kursin e politikës aktuale pasi janë shumë afër realizimit të këtij plani.

Ish ministri i Jashtëm, sugjeroi se Serbia nuk duhet t’i bashkohet konflikteve të fuqive të mëdha, por duhet të jetë ushtarakisht neutrale, si dhe të mos vendosë sanksione ndaj askujt, përveç atyre të miratuara nga Këshilli i sigurimit në OKB.

Jeremiç e sheh futjen e shërbimit të detyrueshëm ushtarak si një kusht të rëndësishëm për ruajtjen e neutralitetit ushtarak.

Duke folur për programin ekonomik të Partisë Popullore, Jeremiç tha se partia mbështet kthimin e sovranitetit shtetëror në ekonomi përmes kontrollit më të fuqishëm të sektorit financiar nga shteti dhe krijimit të një banke shtetërore zhvillimore.

LEXONI GJITHASHTU:

• Kurti refuzon Lajçak, zbulon pse nuk u takua me përfaqësuesin special të BE
• Media gjermane: Vuçiç mund të marrë goditjen e madhe
• Talat Xhaferi për shkëmbimin e territoreve: Do ishte fatale për Ballkanin