Politikani serb: Nëse nuk zgjidhet reciprociteti, konflikti mund të përshkallëzohet

Kryetari i Komisionit për Kosovën në Kuvendin e Serbisë dhe anëtari i Partisë Progresive Serbe, Millovan Drecun pret që kryeministri i Kosovës, Albin Kurti të kërkojë reciprocitet në Bruksel për targat e automjeteve dhe dokumentet e identifikimit.

Drecun u shpreh se kjo është e papranueshme për Beogradin dhe shtoi se nëse çështje nuk zgjidhet, konflikti mund të përshkallëzohet, shkruan Euronews Serbia.

“Mendoj se tani do të diskutohet për situatën e re që mund të rihapë një krizë të rëndë dhe supozoj se Albin Kurti do të kërkojë reciprocitet, që ne të njohim kartat e identitetit që ata lëshojnë dhe targat me RKS që quhet Republika e Kosovës, që është absolutisht e papranueshme për ne”, u shpreh ai.

Ditën e sotme, njësia për mbikëqyrjen e kufirit në Zubin Potok është sulmuar 10 herë me armë zjarri teksa ka qenë duke vendosur një barkë patrulluese në Liqenin e Ujmanit, por nuk ka të plagosur.

Ngjarja vjen vetëm disa ditë pas tensioneve të shënuara në Veri të Kosovës për shkak të vendimit për zbatimin e reciprocitetit të targave dhe letërnjoftimeve për serbët e veriut.

Këta të fundit bllokuan rrugët në shenjë proteste duke përdorur mjete të tonazhit të rëndë.

LEXONI GJITHASHTU

• Kryeministri Kurti reagon pas sulmit me armë ndaj policisë në veri të Kosovës
• ‘Grupet ilegale serbe po përpiqen të pengojnë punën tonë’, Sveçla për sulmin në Veri
• Sulmohet me armë policia e Kosovës në Veri