Pollo: Shqipëria me baza ushtarake të kafshuara nga babëzia e politikanëve

Ish-deputeti demokrat Genc Pollo e cilësoi abuzim të radhës ‘alibinë se presidenti i ri është zgjedhur me bekimin e SHBA për të pasur një ushtarak në krye të shtetit në kushtet e situatës gjeopolitike në botë.

Duke folur në emisionin ‘Sot’ në Euronews Albania anëtari i Këshillit Kombëtar të PD tha se ajo që duhet vërtet të shqetësojë shqiptarët në këtë situatë të luftës në Ukrainë është fakti se bazat ushtarake në vend janë të shkatërruara me qëllim përfitimi nga pushtetarë dhe biznesmenë, ndërsa anijet dhe helikopterët ushtarakë janë jashtë funksionit.

“Ajo që duhet të shqetësojë shqiptarët është se Shqipëria në këtë rast kërcënimi ushtarak ndodhet me baza ushtarake të kafshuara nga politikanë dhe biznesmenë dhe me anijet dhe helikopterët jashtë funksioni po për shkak të babëzisë së tyre”, tha Pollo.

Sipas tij kreu i ri i shtetit do të jetë një president i qetë që do bëjë lepe peqe ndaj qeverisë.

LEXONI GJITHASHTU:

• Rama: Nuk më bën përshtypje kallëzimi në SPAK ndaj Bajram Begajt
• Bajram Begaj zgjidhet Presidenti i ri i Shqipërisë