Polonia dërgon tanke në Ukrainë

Kryeministri i Polonisë, Mateusz Marawiecki thotë se qeveria e tij ka dërguar tanke në Ukrainë.

Gjatë një interviste televizive, ai pohoi një gjë të tillë pa dhënë më shumë detaje.

Kryeministri polak shtoi se do të jepte më shumë informacion në të ardhmen, por për momentin nuk mund të bëhet i ditur numri i tankeve për arsye sigurie.

Prej disa javësh ka pasur raporte se Polonia ka furnizuar Ukrainën me tanke të periudhës sovjetike T-72.

Ndërsa për avionët MiG-29 tha se ishte çështje e mbyllur.

Në mars, Polonia ishte gati të vendoste avionët në bazën ajrore amerikane në Gjermani për t’i dorëzuar më pas Kievit, por Uashingtonit e refuzoi ofertën.

“Nuk ka më një kërkesë të tillë”, tha ai pasi u pyet nëse do të dërgojë Polonia avionë në Ukrainë.