Porosia e Mitsotakis për Ramën: Të dërgojmë çështjen e detit në Hagë

Dërgimi i çështjes së detit në gjykatën ndërkombëtare të drejtësisë në Hagë do të ndikojë në forcimin më tej të marrëdhënieve të mira fqinjësore dhe në shfrytëzimin e plotë të potencialit të tyre.

Ka qenë kjo porosia e kryeministrit grek, Kirjakos Mitsotakis në takimin që zhvilloi në Pragë të Çekisë me kryeministrin shqiptar, Edi Rama. Pjesë nga biseda mes dy liderëve janë zbardhur nga zyra e shtypit e qeverisë greke, ku Mitsotakis citohet të ketë theksuar në takim edhe respektimin e të drejtave pronësore për minoritetin grek në vendin tonë.

Ishte vetë Rama, i cili zbuloi përpara takimit se diskutimet mes palëve për të dërguar çështjen e detit në Hagë nuk kanë avancuar. Rama tha se mungon ende konsensusi me Athinën, dhe se Tirana po punon për të qartësuar pozicionin dhe synimet e saj në këtë çështje.

Gjatë takimit, Mitsotakis ka theksuar mbështetjen e vazhdueshme të Greqisë për rrugën europiane të Shqipërisë, por kjo në përputhje me termat dhe kushtet e vendosura nga Këshilli Europian.

LEXONI GJITHASHTU: 

• Pse nuk po regjistrohen shqiptarët? INSTAT shtyn sërish procesin
• Deti në Hagë, Ksenofon Kristafi: Shqipëria dhe Greqia në pozita të barabarta. Nëse lëshojmë pe, është thjesht larje duarsh nga politikanët
• Shqipëria zgjedh firmën e gruas së Toni Bler përballë Greqisë në Hagë për detin