Gazetari i Euronews Albania Xhevahir Zhabina, i ftuar në emisionin “Now” ka treguar prapaskenat që ndodhën ditën e sotme në SPAK, ku u mor në pyetje Fatmir Mediu.
Zhabina tha se përveç tij është marrë në pyetje edhe ish-ministri i mbrojtjes Gazment Oketa,ndërsa shtoi pritet të thirren në SPAK dhe zyrtarë të tjerë të përfshirë në procedurën e privatizimit të kompleksit “partizani”.
“Është pyetur dhe ish-ministri tjetër i mbrojtjes Gazment Oketa. Janë një sërë zyrtarësh që janë marrë me procedurën e privatizimit të këtij kompleksi që do të thirren nga SPAK. Një pjesë i ka listuar dhe Taulant Balla, siç janë dhe Sali Berisha dhe Arben Imami. Nuk ka ende një njoftim nëse këto do thirren apo jo. Është në tagrin e Prokurorisë. Është një çështje e vonuar, por Prokuroria është ende në kohë për ta hetuar. Akuzat janë për shpërdorim detyre, korrupsion, pastrim parash. Hetimi është regjistruar për pastrim parash”- tha ai.
Më tej ai theksoi se: Për opozitën në SPAK është dosja e Gërdecit, por na është thënë se do merren edhe persona të tjerë përveç Mediut. Një tjetër hetim është edhe dosjet e lobimit për LSI-në kur janë dy hetime.
LEXONI GJITHASHTU:
