Prej nëntë muajsh në çadër, PD denoncon rastin e familjes Hyseni në Mamurras

3 Tetor 2020 | 16:47

Partia Demokratike denoncoi pasditen e së shtunës rastin e familjes Hyseni në Mamurras, e cila prej 9 muajsh mbetet në pritje të autoriteteve për t’u zgjidhur situatën e strehimit, pasi tërmeti i 26 nëntorit u dëmtoi banesën.

Gjyle Hyseni i tregoi kryetarit të Forumit Rinor të PD-së, Belind Këlliçi mjediset e dëmtuara të banesës ku jetonte. Në kushte të rënda ekonomike ajo dhe djali i saj Shkëlqimi apeluan për ndihmë teksa theksuan se nuk kanë marrë asnjë ndihmë nga shteti.

Shkëlqimi tha se prej nëntorit ata mbeten në çadër dhe se situata po bëhet shqetësuese pasi tashmë kemi hyrë në stinën e ftohtë të vjeshtës.

Prej muajit gusht opozita denoncon raste të ndryshme familjesh të mbetura pa zgjidhje nga situata që la pas tërmeti i 26 nëntorit, i cili u mori jetën 51 personave.

Rastet e sjella nga PD-ja kanë qenë nga Thumana, Durrësi, Shijaku, Kurbini, Mamurrasi, Bubqi, Lezha dhe Tirana.

Në një intervistë për Euronews Albania, ministri për Rindërtimin, Arben Ahmetaj i hodhi poshtë pretendimet. Ai këmbënguli se nuk ka pasur vonesa, dhe se problemet kryesore kanë ardhur për shkak të pandemisë.

Megjithatë ai garantoi se brenda vitit 2020 një pjesë e madhe e familjeve të cilave iu dëmtuan shtëpitë do të kenë mundësinë të hynë në banesat e reja.

 

Lexoni gjithashtu:

Prej 10 muajsh në çadër dhe pa përgjigje, PD denoncon rastin e familjes në Kurbin

Tërmeti u prishi shtëpinë, PD sjell rastin e familjes në Mamurras: Ky, dimri i dytë në çadër

Grantet e rindërtimit, PD denoncon rastin e familjes në Shijak: Kemi bërë vetëm letra, s’kemi marrë asgjë

PD denoncon rastin e qytetares nga Lezha, prej 10 muajsh me burrin e paralizuar dhe tre fëmijët në çadër

Bilanci i rindërtimit, Ahmetaj në Euronews Albania: Nuk ka vonesa, brenda vitit shumë banorë do futen në banesa të reja

Home Kryefaqja
Shiko në: YouTube
Lajme të Sugjeruara

Rama reagon sërish për Zvërnecin: Nuk sheh syri, sheh mendja

Kryeministri Edi Rama ka reaguar këtë të mërkurë në kuadër të debatit dhe protestave kundër projektit në Zvërnec, duke publikuar një status të plotë ku...
18:36 | 03/06/2026

Kryebashkiakët e Dibrës kundër ndryshimit të hartës territoriale: Do të vështirësonte shërbimet ndaj qytetarëve

Kryetarët e të gjitha bashkive të Qarkut të Dibrës janë shprehur kundër çdo ndryshimi të mundshëm të hartës territoriale, gjatë një seance dëgjimore në Komisionin...
18:00 | 03/06/2026

“E dija që i kishte paratë”, Berisha për Zvërnecin: Kam qenë dakord që në fillim me projektin Kushner

Kreu i Partisë Demokratike Sali Berisha tha në një komunikim për mediat nga mbledhja e grupit të PD se ka qenë pro projketit për investimin...
13:56 | 03/06/2026