Premto Gogo: Në zgjedhjet e ardhshme nuk do të ketë lista të hapura

Kryetari i Koalicionit për Reforma Integrim dhe Institucione të Konsoliduara (KRIIK), Premto Gogo, është shprehur se në zgjedhjet vendore të vitit 2023 duhet të aplikohen listat e hapura.

Këtë e tha në një intervistë për Euronews Albania, ku theksoi se listat e hapura fillimisht duhet të aplikohen te zgjedhjet lokale dhe jo tek ato parlamentare.

“Nëse duhen aplikuar listat e hapura, në radhë të parë duhen aplikuar në zgjedhjet lokale. Është e pakuptimtë e jo domethënëse në sjelljen politike që mos të aplikohet kjo në zgjedhjet vendore.

Megjithatë Gogo, i sigurt, u shpreh se as në këto zgjedhje nuk do të ketë lista të hapura dhe se këshilltarët bashkiakë do të zgjidhen nga kryetarët e partive.

“Tashmë mazhoranca ka një vesh të shurdhër dhe është e sigurt që listat e hapura nuk do të aplikohen në këto zgjedhje, pasi dhe koha nuk premton. Këshilltarët bashkiakë do të zgjidhen në listat që do të prezantojë kryetari i bashkisë.”- theksoi Gogo.

LEXONI GJITHASHTU: 

• Si do të indentifikohen 300 njerëzit më të pasur nëse nuk kanë deklaruar pasurinë
• ‘Rrisni pensionet’, invalidët e punës protestë para Ministrisë së Financave