Presidenti amerikan Biden takim kokë më kokë me Erdogan

Në samitin e G20 që u zhvillua në Romë, një vëmendje të veçantë mori takimi mes Presidentit amerikan Joe Biden dhe homologut turk Erdogan.

Gjatë mbledhjes së përbashkët Biden u shpreh se të dy vendet duhet të bëjnë më të mirën për të menaxhuar mosmarrëveshjet.

Partneriteti midis aleatëve të NATO-s u testua nga kërcënimi i Turqisë për të tërhequr ambasadorin e SHBA-së dhe vendimi për të blerë një sistemi rus të mbrojtjes raketore.

Turqia u përjashtua nga një program amerikan për avionët luftarakë F-35 dhe zyrtarëve të saj të mbrojtjes iu vunë sanksione pas blerjes së sistemit të raketave ruse S-400.

Shtetet e Bashkuara kundërshtojnë me forcë përdorimin e sistemeve ruse brenda NATO-s dhe thonë se ato përbëjnë rrezik për avionët amerikanë.

Në një deklaratë për mediat Shtëpia e Bardhë bëri me dije se Presidenti Biden ngriti shqetësimin për të drejtat e njeriut dhe funksionimin e shtetit ligjor në Turqi.