Presidenti Begaj bisedë telefonike me Ballën për shpërthimin në Lushnjë

Presidenti Bajram Begaj ka zhvilluar një bisedë telefonike me ministrin e Brendshëm, Taulant Balla, ku kanë diskutuar lidhur me shpërthimin e ndodhur në Lushnjë, që iu mori  jetën 2 personave dhe plagosi disa të tjerë.

Përmes një njoftimi, Begaj i shpreh ngushëllimet familjes Hoxha për humbjen tragjike të dy familjarëve të tyre të dashur.

Po ashtu, presidenti i uron shërim të shpejtë të plagosurve të tjerë dhe deputetit Bujar Çela.

Njoftimi:

Presidenti i Republikës, Sh.T.Z Bajram Begaj zhvilloi një bisedë telefonike me Ministrin e Brendshëm z. Taulant Balla për t’u interesuar mbi ngjarjen  fatkeqe, që ndodhi në Lushnjë, pasditën e sotme.

Presidenti i shpreh ngushëllimet  familjes Hoxha për humbjen tragjike të dy familjarëve të tyre të dashur.

Presidenti i Republikës I uron shërim të shpejtë të plagosurve dhe deputetit Bujar Çela.

LEXONI GJITHASHTU:

• Shpërthimi i fuqishëm në Lushnjë, gazetarët japin detaje: Ç’po ndodh te ‘Trauma’
• Shpërthimi në Lushnjë/ Ndërron jetë dhe djali i viktimës 24-vjeç