Presidenti dekreton datën e zgjedhjeve për Bashkinë e Kukësit

Presidenti i Republikës Bajram Begaj shpalli sot dekretin për “ Caktimin e datës së zgjedhjeve për Kryetar të Bashkisë Kukës”.

Kreu i Shtetit caktoi datën 24 shtator 2023 si datën e zhvillimit të zgjedhjeve për Kryetar Bashkie në Bashkinë e Kukësit.

Kujtojmë se vakancan për drejtimin e Bashkisë së Kukësit u krijua menjëherë pas zgjedhjeve të 14 majit, ku socialisti Safet Gjici fitoi një mandat të dytë.

Ish-kryebashkiaku u arrestua me urdhër të SPAK për veprën penale të korrupsionit pasiv.

Arrestimi i tij u bë dy javë pas publikimit të video-skandalit ku ishte në momente intime me një grua në ambientet e bashkisë së Kukësit.

Video-skandali u publikua më 16 qeshor, ndërsa pamjet ishin filmuar në datën 6 qershor.

Pasi video u bë virale Safet Gjici dh dorëheqjen duke deklaruar se ky ishte një kurth nga kundërshtarët e tij politik.

Gjithashtu SPAK ka urdhëruar që gruaja që u shfaq në videon intime me ish kryebashkiakun e Kukësit nuk duhet të lërë vendin, pra nuk do të lejohet të udhëtojë.

Dyshohet se për shkak të favoreve seksuale gruaja do të përfitonte një tender për sterilizimin e qenve në bashkinë e Kukësit.

LEXONI GJITHASHTU:

• Drishti: Vajza e videos së Gjicit erdhi në zyrën time para skandalit, ja ç’më kërkoi
• “Telefonin e kam në makinë”, si e futi në grackë Gjicin vajza e videoskandalit
• Bie në ‘rrjetë’ edhe zëvendësi i Gjicit, publikohet video e nënkryetarit të bashkisë