Ukraina duhet të lejohet të lëshojë raketa perëndimore pa kufizime, tha presidenti i Estonisë.

Sipas mediave të huaja, Alar Karis tha gjithashtu se “të gjitha vijat e kuqe” duhet të kalohen dhe Rusia duhet të detyrohet të largohet nga Ukraina.

Paqja mund të arrihet vetëm me kushtet ukrainase, tha ai për Kyiv Independent.

Presidenti Karis, vendi i të cilit kufizohet me Rusinë, tha: “Ne jemi në një pozicion shumë të thjeshtë: ne duhet të heqim kufizimet në përdorimin e armëve që Ukraina merr nga bota perëndimore, në mënyrë që të mund të synojmë dronët ku ata nisen [në territorin rus].

“Kur kjo ndodh, dronët nuk arrijnë kurrë në Ukrainë, Letoni apo ndonjë vend tjetër”, tha ai më tej.

Nëse do të lejohet, Ukraina do të lëshojë raketa perëndimore me rreze të gjatë veprimi në Rusi, gjë e cila ka qenë e rëndësishme në axhendën ndërkombëtare kohët e fundit.

Sir Keir Starmer, kryeministri i Mbretërisë së Bashkuar, pritej të diskutonte një lëvizje të tillë kur u takua me Joe Biden në Shtëpinë e Bardhë të premten.

Takimi përfundoi pa asnjë premtim. Ukraina ka argumentuar prej kohësh se duhet të lejohet të përdorë armë që mund të godasin thellë brenda territorit rus.

LEXONI GJITHASHTU:

• Pro-palestinez dhe mbështetës i Ukrainës, të fshehtat e atentatorit të Trump
• Ukraina: Kemi rrëzuar 53 dronë rus në Kiev