Presidenti i Izraelit thirrje botës: Dënoni Hamasin, janë terroristë

Presidenti i Izraelit, Isaac Herzog, në një mesazh u bëri thirrje të gjitha kombeve në mbarë botën “të dënojnë ashpër Hamasin dhe ta etiketojnë atë si një organizatë terroriste”.

“Si president i shtetit të Izraelit, unë ju flas tani nga kryeqyteti ynë, Jerusalemi, nën hijen e errët të luftës, ndërsa kombi im vazhdon të durojë një sulm të egër nga një armik mizor dhe çnjerëzor.

Sipas mendimit tim, kurrë që nga Holokausti nuk janë vrarë kaq shumë hebrenj brenda një dite. Dhe që nga Holokausti, ne nuk kemi parë skena të grave dhe fëmijëve hebrenj, gjyshërve, madje edhe të mbijetuarve të Holokaustit, të mbahen në robëri.

Hamasi importoi, adoptoi dhe riprodhoi egërsinë e ISIS. Ai hyri në shtëpitë e civilëve në një ditë të shenjtë dhe vrau familje të tëra me gjakftohtësi. Të rinj e të vjetër. Rrahu dhe torturoi persona të pafajshëm, hebrenj dhe myslimanë.

Gjatë ditëve të fundit kam folur me liderë nga e gjithë bota të cilët kanë shprehur zemërimin e tyre të thellë për sulmin, duke përfshirë zëvendëspresidentin Harris, sekretarin e shtetit Blinken, krerët e BE-së, OKB-së, NATO-s dhe të tjerë të afërt me mua, si p.sh. si miku im Presidenti i Emirateve të Bashkuara Arabe, Sheikh Mohammed bin Zayed.

Të gjitha kombet anembanë botës të dënojnë ashpër Hamasin, ta cilësojnë atë si një organizatë terroriste dhe të bëjnë të qartë se Hamasi mban përgjegjësi të plotë për mirëqenien e pengjeve që ka marrë dhe t’i kthejë menjëherë në Izrael”.

LEXONI GJITHASHTU: 

• Dështimi spektakolar i Izraelit, ekspertët zbulojnë shkaqet: Patën besim të tepruar
• Si funksionon Mossad dhe pse nuk arriti të ndalojë sulmin e Hamasit
• Pse dështoi Mossad? Flet për Euronews Ambasadorja e Izraelit në Shqipëri