Presidenti i KE: Qëndrim i unifikuar i BE, çelësi për negociata për paqen në Ukrainë

Presidenti i Këshillit Evropian, Antonio Costa ka biseduar me presidentin ukrainas Volodymyr Zelensky përpara takimitit të liderëve të BE-së që po zhvillohet në Angola, në kuadër të Samitit BE-Bashkimi Afrikan.

Costa ka deklaruar se një qëndrim i unifikuar dhe i koordinuar i BE-së është çelësi për të siguruar një rezultat të mirë të negociatave të paqes për Ukrainën dhe për Evropën. Ai theksoi se ka folur në telefon me presidentin ukrainas para samitit në Angola për të marrë vlerësimin e tij për situatën.

Përpjekjet për paqe në Ukrainë janë tema e takimit të udhëheqësve të BE-së në Luanda. Udhëheqësit evropianë që nuk janë të pranishëm në Luanda do të marrin pjesë nëpërmjet videokonferencës.

Sipas një zëdhënësi të presidentit të Këshillit Evropian, udhëheqësit e Gjermanisë, Italisë, Polonisë, Holandës, Spanjës, Portugalisë, Irlandës, Republikës Çeke, Kroacisë dhe Sllovakisë po marrin pjesë personalisht në takimin në Luanda.

LEXONI GJITHASHTU: 

• Gjenerali i Sudanit hedh poshtë propozimin e armëpushimit të SHBA-së
• Çela dhe Dumani vizitë në Belgjikë, takim me Prokuroren e Përgjithshme Federale