Presidenti i Këshillit Europian: Siguria globale është nën kërcënim

Presidenti i Këshillit Europian, Charles Michel ka deklaruaar se siguria globale është nën kërcënimin e luftës Rusi-Ukrainë.

Deklaratën, Michel e bëri gjatë vizitës së tij në qytetin e Hiroshimës në Japoni, e cila në vitin 1945 pësoi bombardimin e parë atomik.

“Ndërsa flasim, siguria globale është nën kërcënim”, tha Michel, raporton Reuters.

Ai tha se Rusia i cili është një shtet i armatosur bërthamor, po sulmon kombin sovran të Ukrainës, teksa bën referenca të turpshme dhe të papranueshme për përdorimin e armëve bërthamore.

Ai shtoi se memoriali në Hiroshimë ishte “një kujtesë e ashpër e urgjencës” për të forcuar rregullat ndërkombëtare.

LEXONI GJITHASHTU

• Von der Leyen: Rusia është kërcënim i drejtpërdrejtë për rendin botëror

• Lavrov: Rusia nuk do luftë në Europë, Perëndimi na detyroi