Aktivisti Altin Hazizaj është një ndër përfaqësuesit e shoqërisë civile, i cili mori pjesë në takimin e zhvilluar ditën e djeshme me kreun e Grupit Parlamentar të PS-së Taulant Balla, në kuadër të konsultimeve për presidentin e ri.
Në emisionin “Sot“ në Euronews Albania, Hazizaj tha se grupi parlamentar socialist që përfaqësohej nga Balla, kërkonte një proces sa më gjithëpërfshirës, ku figurat e propozuara të ishin të pakontestueshme.
“Nga Balla u bë e qartë me fjalë që preferenca e Grupit parlamentar të Ps, ishte që të ketë një proces sa më gjithëpërfshirës, duke përfshirë opozitën parlamentare, shoqërinë civile dhe mundësisht produkti i këtyre konsultimeve të jenë figura të pakontestueshme, që do merrnin votat e mjaftueshme që në raundin e parë“, u shpreh aktivisti.
Hazizaj nënvizoi se gjatë mbledhjes, përfaqësues të shoqërisë civile shprehën pakënaqësinë e tyre në lidhje me njoftimin e dërguar nga Balla.
Sipas tyre, njoftimi dhe zhvilliimi i mbledhjes u bë shumë shpejt dhe duhej t’u jepej mundësia për më shumë kohë, për të krijuar një opinion për kandidaturat.
LEXONI GJITHASHTU
