Presidenti kinez nis sot vizitën dy ditore në Moskë

Presidenti i Kinës, Xi Jinping, viziton sot Moskën ku pritet të tregojë mbështetje për presidentin rus, Vladimir Putin, teksa tenton të shtyjë përpara një plan për paqe që synon t’i japë fund luftës në Ukrainë.

Kremlini bën me dije ata do të diskutojnë  për një “partneritet gjithëpërfshirës dhe bashkëpunim strategjik”.

Vizita vjen pasi Pekini, një aleat i Rusisë, ka ofruar propozime për t’i dhënë fund luftës në Ukrainë, të cilën Perëndimi e ka pritur me shumë dyshime, pasi u bë publik menjëherë sapo ministri i jashtëm Kinez vizitoi Moskën.

Kjo do të jetë vizita e parë e presidentit kinez në Rusi që kur trupat ruse pushtuan Ukrainën.

Ai pritet të drekojë me presidentin Putin të hënën për të vijuar me bisedimet ditën e martë.

Ukraina beson se presidenti kinez po viziton Moskën  për t’i dërguar një sinjal botës se Rusia ka disa aleatë.

LEXONI GJITHASHTU

• Tre persona të vrarë në një sulm në një ndërtesë banimi

• Deputeti rus-Putinit: Të pushtojmë Stambollin, të përfitojmë nga kriza në Turqi